هي غلطتي ولا الزمن دوم غلطان

هي غلطتي ولا الزمن دوم غلطان

.......................................... منك التعب ؟ ولا التعب من زماني

احيان احس الحزن .. لاجلي واحيان

......................................... اقول هذا الحزن ماهو عشاني

ياليتها غربه وادور لي اوطان . ياليتها دمعه وتنسى زماني

ياليتها كلمه وادور لي انسان

...................................... ياليتها ساعه واعد الثواني

كل العمر وانا مع الهم خويان

................................... لا ضاق صدره زارني وابتلاني

اكذب عليك ان قلت عايش وفرحان

................................... واكذب عليك ان قلت موتي كفاني

من ياخذ همومي ويعطيني انسان

.................................... ماجاه مثل اللي من الحزن جاني

المشكله ماهي بغلطه وندمان

................................... المشكله ليه الوفاء دوم فاني

صوره وملتها من الشيل جدران

................................. ورده وذبلت ومن قطفني رماني

كل ادمي يفرح وتنساه الاحزان

............................... الا .. انا .. عمر الحزن مانساني

ماعاد باقي بالعمر كثر ما كان

............................... والصمت يقتل فرحتي والاماني

هات الحزن مادامها احزان بأحزان

............................. هات الحزن دام الفرح ما لقاني

ياليل وين الصبح كل يوم سهران

............................. اسهر وحزني يحتوي كل مكاني

يابلاد عمري مابقا فيك سكان

............................. ويادمع عيني من بقا ما بكاني

وياقسوة الايام حني بـــ(انسان)

............................ لو راح ماتلقين (انسان) ثاني